General Santos City–Nagtuo ang hepe sa Lagao Police Station nga si Police Captain Peter Pinalgan Jr. nga dunay pipila ka mga opisyal sa PNP ang lambigit o protector sa illegal nga droga sama sa gikaingon ni Pangulong Rodrigo Duterte nganong dili mawala ang droga sa nasod gumikan niining may nagpaluyo nga pipila ka opisyal sa kapolisan.
Samtang dako usab ang pagtuo ni Police Captain Robert Fores ang deputy Station Commander sa Makar PNP nga duna gayuy pipila ka PNP opisyal nga nahimong protector sa illegal nga droga gumikan kay duna nay mga Police ang nasikop og namatay sa operasyon tungod sa pakiglambigit sa droga.
Dugang asoy ni Fores nga tanang impormasyon sa kapolisan og kasundaluhan mahibaw-an kini ni pangulong Rodrigo Duterte og nagtuo ang opisyal nga tinuod ang gisulti ni Duterte nganong dili mawala ang droga sa nasod gumikan niining mga opisyal sa PNP nga nagpaluyo sa illegal nga droga.
Pagbutyag usab ni police captain Romeo Alabano Jr. sa Provincial Mobile Force Company nga dili pa siya makasiguro kung dunay mga opisyal sa kapolisan nga protektor sa illegal nga droga sa nasod gumikan kay sila man daw ang gitahasan sa pangulo nga gukdon gayud kadtong mga tawo nga padayong nakiglambigit sa droga.
Sumala pa ni Albano nga kung mapamatud-an nga protector sa droga ang usa ka opisyal sa PNP, tanggalon man kini og pasakaan og kasong administratibo. (Reynald Timario)
