Pagadian City – Nakagawas na gikan sa isolation facility sa Zamboanga del Sur Medical Center ang tulo ka mga pasyente nga kanhing nagpositibo sa Corona Virus Disease (Covid-19).
Ang tulo ka mga pasyente nga naigo sa COVID-19, hingpit nga gi-DISCHARGED dihang nigawas ang resulta sa ilang swab test nga nagnegatibo na sila sa maong gikahadlukan nga kagaw.
Nakabalik na sa ilang pinuy-anan ang pasyente nga taga-Pagadian, pasyente nga taga-Labangan ug taga-Aurora niining probinsya.
Ang maong mga kanhing Covid-19 patient gipailalom gihapon sa close monitoring pinaagi sa mga health authorities aron masiguro ang ilang kaluwasan batok sa virus.
Bisan paman naasoy nga maayong balita padayon gihapon ang pahimangno sa Task Force Covid sa probinsya ngadto sa publiko nga dili mokumpyansa ug padayong mosunod sa practice sa New Normal Protocols sama regular hand washing, pagsul-ob sa face mask ug physical distancing sa pampubliko nga lugar.
