Davao City – Naaktohan sa empleyado sa City Health Office (CHO) ang tulo ka mga pulis nga nag-inom sa usa sa mga kwarto sa quarantine facility sa Bajada ning dakbayan.
Subay sa report sa Sta. Ana Police Station, giila ang tulo nga sila si Marlou Sumondong, 30 anyos, nagpuyo sa Dinaville Subd., Maa, Davao City, Arci Esrael Abordo, 30 anyos, nagpuyo sa Phase 3, NHA, Bangkal ug Pat. Joel Ocampo Jr., 28 anyos, residente sa Lot 11, NHA, Maa, syudad sa Davao.
Matud pa nakita sa CHO personnel nga si Joseph Gomez ang tulo ka mga pulis nga nag-inom atol sa iyahang pagmonitor sulod sa pasilidad.
Ang mga pulis mag-atubang og kasong kalapasan sa liquor ban ug RA 11332 subay sa Executive Order Number 47 nga gipagawas sa City Government of Davao.
RadyoMaN Don Pulayao
