General Santos City— Gipaklaro ni Police Chief Superintendent Marcelo Morales, Regional Director sa Police Regional Office 12 nga miyembro sa Regional Crime Laboratory Office 12 ug Highway Patrol Group ang tulo ka pulis nga sumala pa nangulata ug gwardiya sa usa ka bar sa syudad sa Koronadal milabay’ng semana.
Sumala niya nga basi sa pamahayag sa labaw sa maong mga unit sa kapulisan, nagpahigayon na sila ug imbestigasyon sa maong kaso. Kung asa usa matud pa sa tulo ka pulis ang nadis-armahan na, samtang ang usa ang walay issue nga armas gumikan dugay ng wala nahatagan ug pusil.
Dugang pamahayag ni General Morales nga sa karon naka-relib na silang Police Chief Inspector Armando Gallego ug PO3 Edmond Delos Reyes nga samang na-assign sa SOCO ug usa ka Joven Sumugod nga na-assign sa HPG 12.
Pamahayag ni RD Morales nga sa karon wala pay kasong napasang-at batok sa mga nahisgutan kung asa ilaha pang ginapa-abot ang affidavit gikan sa gwardiya sa McGrille Bar.
Gihingusgan man usab niini nga hugot gyud nga ginabawal alang sa miyembro sa kapulisan ang pagbitbit ug armas hilabina kung wala naka-uniform ug anaa sa pampublikong lugar kung walay uns amang police operation o transaksyon.
Kalabot niini gibutyag ni General Morales nga basi sa insiyal nga imbestigasyon, buot musaka sa 2nd floor sa maong bar ang tulo ka mga pulis, apan dihang makapkapan sa gwardiya, sila gisita tungod sa dalang armas.
Mihangyo matud pa ang gwardya nga i-turn over kaniya ang pusil apan wala matud pa sila misugot rason nga wala gitugutang makasulod rason nga nasuko ang mga nahisguitan nga misangko ngadto sa pagpangulata.
Pamahayag ni General Morales nga ang kuha sa CCTV ug ang affidavit sa gwardiya ang himuong ebidensya aron sa pagpasang-at ug kasong kriminal batok sa mga nahisgutan samtang ginahikay na ang kasong administratibo.
