Tulo ka pusher gikiha na, usa misukol-patay

15

Davao City – Kasong kalapasan sa Republic Act 9165 kun Comprehensive Dangerous Drugs Act of 2002 ang na-file sa Philippine Drug Enforcement Agency (PDEA-11) batok sa tulo ka mga suspek nga mao sila si Junfel Hagunos, 41 anyos, nagpuyo sa Brgy. Gredu Panabo City, Aldwin Nemaria, 40 anyos, residente sa Roxas Ext. siyudad sa Digos ug usa ka Fernando Depacaquibo Jr. alyas Andot, 24 anyos, nagpuyo sa Brgy. Sinawayan sa lungsod sa Hagonoy, Davao del Sur.

Kahinumduman ang tulo ka mga suspek nadakpan ug nakuhaan og shabu sa gilusad nga managlahi nga buy bust operation diin si Hagunos nakuhaan og duha ka gagmayng sachet sa gituohang shabu nga adunay street value nga 1,000 pesos samtang nakuhaan og usa ka sachet sa gituohang shabu sila si Nemaria ug Depacaquibo nga gibanabanaang mukantidad og 500.00 pesos.

Samtang usa ka drug pusher ang napatay human misukol diin giila kini nga si Alfredo Binas alyas Pugoy, nagpuyo sa Brgy. 22-C sa gilusad nga buy bust operation diin nakuha sa iyang possession ang tulo ka sachet sa gituuhang shabu nga mukantidad og 5,000 pesos lakip ang usa ka .38 revolver ug mga bala.

Kahinumdomam nga misukol ang suspek dayon ug hulbot sa iyang .38 revolver ug namusil sa mga operatiba hinungdan nabalsan ug napusilan apan gidala pa sa Southern Philippines Medical Center (SPMC) ang suspect apan gideklara na kining dead on arrival sa attending physician.

Sa datus sa PDEA 11, sa bulan sa Disyembre tulo na ang nasikop ug usa ang na neutralisa sa upat ka buy bust operation.

RadyoMaN Don Pulayao

Facebook Comments