Giila ang mga dinakpan nga mao silang Leo Veño, Diosdado Patoc ug Mansueto Napuli kinsa pulos mga hamtong ang pangidaron ug nagpuyo sa naasoy nga Barangay.
Nakuha gikan kanila ang igsasabong nga mga manok, kapin 3mil ka pesos nga pusta ug uban pang ibidinsiya sa pagsabong hinungdan gipangpusasan silang tulo.
Nasayran nga human nadawat ang report nga dunay nagsabong sa Panacan Relocation duol sa slaughter house wala maglangan ang CIDG sa pagpanguna ni Police Major Randy Ramos ug Sasa Police Station Chief of Police Major Jake Goles sa pagsuhid sa dapit ug naabtan gayod ang pagtari sa tulo diin kasong may kalapasan sa Presidential Decree 1602 kon Illegal Gambling ang isang-at nga kaso batok sa mga dinakpan.
Ang pagkasikop sa tulo resulta kini sa mas gipakusgan pang kampanya kontra ilegal nga sugal sa atong mga kapulisan.
RadyoMaN Joel Viray
