General Santos City—Usa ang patay samtang usa usab ang samdan sa nahitabong pagkarambola sa tulo ka sakyanan nga gilangkuban sa Ford Ranger, Traysikad ug Toyota Fortuner sa may Makar Siguel Road, sakop sa Barangay Tambler, Gensan nga natigayon alas 6:50 ang takna sa gabie.
Biktimang namatay nailang si Alijandro Elemino Sr., 45 anyos nga taga Gensan, pasahero sa traysikad, samtang ang samdan ang driver sa traysikad nga nailang si Camilo Damalerio, 66 anyos nga taga Barangay Labangal.
Sa inisyal nga imbistigasyon sa Traffic Management Unit (TMU), Padulong sa direksyon sa Police Station 5 ang Ford Ranger, samtang ang traysikad ug ang Toyota Fortuner ang padulong usab sa direksyon sa Gensan Fishport.
Pag-abot sa maong lugar, nagkarambola ang maong mga sakyanan, gumikan sa kusog nga impact, nangalagpot ng sakay sa sikad nga miresulta sa pagkangkon sa mga nasampit ug mga samad sa lawas.
Ang pasaherong si Elemino maoy nagrabihan kansa nakabsan gyud sa iyang hinulamang kinabuhi alas 7:15 ang takna sa gabie. Samtang nagpabilin pa sa ospital ang driver sa traysikad nga si Damalerio.
Sa kayon nagpadayon ang imbistigasyon sa maong insidenti samtang ginahulat pa sa TMU ang desisyon sa pamilya sa biktimang namatay.
