Davao City – Tulo ka sundalo ang samdan human natigayon ang engkwentro sa kasundaluhan sa Unit of Scout Platoon tali sa mga myembro sa Guerilla front 54 nahitabo alas 7:35 sa buntag sa Sitio Basikong Brgy. Tamayong, Calinan District siyudad sa Davao.
Subay sa report sa Davao City Police Office (DCPO), nasayran ang tulo ka mga sundalo nga samdang nga sila si Corporal Vicencio Galagar, Corporal Jurel Gonato ug Private Roberto Cardoza, pulos mga sakop sa Scout Platoon Philippine Army.
Matud pa, samtang gilusad ang operasyon sa nasampit nga lugar, ilang gika-engkwentro ang 15 ka mga membro nga sakop sa Guerilla Front 54 nga gipangulohan ni Nasser diin miresulta sa pagkaangol sa tulo ka mga sundalo.
Atol usab hot pursuit operation, niiktad palayo sa maong lugar ang mga rebeldeng grupo ug ginasusi pa karon sa kasundalohan kun duna bay mga naangol sa bahin sa mga rebelde atol sa maong panag-engkwentro.
Kasamtangang nagmuntar ang kapolisan sa Calinan og checkpoint sa nasampit nga lugar partikular sa may Brgy. Tamayong Calinan ning dakbayan sa Davao.
RadyoMaN Don Pulayao
