Davao City – Nakuha sa CCTV camera ang riding in tandem kinsa maoy gituohan karong suspect nga nanglabay og granada sa Brgy. JP Laurel, Panabo City, Davao del Norte niadtong April 24, 2024 sa gabii.
Sa interview sa DXDC RMN Davao sa Panabo City Police Staton, blangko pa sila kung kinsa ang nagbuhat sa krimen apan nahimong basehan sa ilang imbestigasyon ang kuhang hulagway sa duha ka sakay sa motorsiklo.
Kahinumduman nga kabsan sa kinabuhi ang asawa ni Brgy. Opon, Magsaysay, Davao del Sur kapitan Arnulo Abapo Sr. nga mao si Loreta Abapo samtang angol ang anak niini.
Sa naunang interview sa DXDC RMN Davao kang Kapitan Abapo, nagtuo na kining daan nga posibleng politika o personal grudge ang hinungdan sa krimen diin ayha gipabusikad ang sakyanan sa iyang pamilya, aduna na daan kini nadawat nga mga hulga.
RadyoMan Ivy Parido
Facebook Comments
