Tulo ka wanted persons, gisikop sa El Salvador City Police Station karong adlawa

28

Gisikop sa El Salvador City Police Station ang tulo ka wanted persons pinaagi sa warrant of arrest karong adlawa.

 

Matud ni Police Lt. Col. Randy Anito, Chief of Police sa El Salvador City Police Station nga unang nasikop mga alas nuybe kaganihang buntag ang suspek nga nailang si Allan Enguito, 44 anyos, taga Zone 4 Poblacion, El Salvador City.


 

Si Enguito ang adunay kasong robbery.

 

Ang maong warrant ang giisyu ni Honorable Arthur Abundiente, ang Acting Presiding Judge, sa RTC 10 branch 44- Initao Misamis Oriental ug adunay piyansa nga 48-mil pesos.

 

Ikaduhang nasikop mga alas 10 kaganihang buntag ang suspek nga nailang si Dandy Banaag, 33 anyos, taga Zone 2 Molugan sa maong syudad.

 

Si Banaag ang adunay kasong pagsupak sa RA 7610 kon Child Abuse.

 

Ang warrant ang giisyu ni Honorable Francisco Calingin sa Branch 22 ug adunay bailbond nga 200-thousand pesos.

 

Ikatulong nasikop mga ala 4:30 karong hapon si Virly Bongat, 42 anyos, dunay live-in partner ug taga Zone 4, Poblacion, El Salvador City.

 

Si Bongat nag-atubang sa kasong robbery nga dunay piyansa nga 48-mil pesos.

 

Ang iyang warrant of arrest gi-isyu ni Hon Arthur L. Abundiente, Acting Presiding Judge, RTC 10, Branch 44 sa Initao, Misamis Oriental

Facebook Comments

From Advertisers