Tulo ka lalaki ang namatay apil na niini ang duha ka menor de edad human nagkabanggaay ang ilang gisakyan nga lain-laing motorsiklo sa Barangay Malhiao sa lungsod sa Badian .
Ang unang namatay mao ang 23 anyos nga si Junard Abestano nga taga Barangay Banhigan samtang paingon unta kini sa Badian proper ug nagmaneho sa iyang motorsiklo.
Gikasugat niini ang motorsiklo nga gisakyan sa nag-inangkasay nga tulo ka tawo , lakip na niini ang duha ka menor de edad nga nakalas .
Ang nga menor de edad mao sila si Mishael Oriente ug Jasper Bacalangco nga pulos taga lungsod sa Moalboal ug padung na silang mamauli gikan sa Badian.
Ang upat ka biktima nangalagpot sa ilang gisakyan nga motorsiklo,hinoon usa kanila nga ginganlan ug Desiree ang buhi ra.
Tungod sa kakusug sa impact , ang tulo ka biktima nakalas sa maong insidente ug nagpadayon ang imbistigasyon sa kapolisan bahin sa insidente.
