Tulo ka mga sakop sa rebeldeng New People’s Army ang napatay sa operasyon sa kasundalohan kagabie human sa pila ka minutong binayloay og bala.
Kini ang gikumpirma ni Maasim Municipal Mayor Utto Salim Cutan nga sa karon anaa sa lokal nga punerarya ang mga patayng lawas sa tulo ka mga sakop sa NPA nga padayong giila ang ilhanan.
Una nang gibabaran sa mga sundalo ang lugar kung asa nagtaguan ang mga NPA nga wala pa nibalik sa sabakan sa gobyerno human nalambigit sa pipila ka mga extortion activities sa probinsya.
Kahibaw-an nga may duha ka mga sakop sa NPA ubos sa Guerilla Front 71 nga naglihokan sa Sarangani ug Davao Occidental ang nibalik na sa komunidad aron manginabuhi og simple nga giilang sila alyas Biboy ug Bunso dala ang ilang armas.
Facebook Comments
