General Santos City–Malampusong nasikop ang 3 ka mga suspek nga lambigit sa iligal nga sugal sa Dahlia Street, Barangay Poblacion, Polomolok, South Cotabato.
Ang mga suspek nailhan nga sila si Ronilo Ortovoc, 25 anyos single ug walay trabaho; Bena Nualda, 18 anyos single walay trabaho ug residente sa Prk. Agustin ug Efren Ramirez Jr. 21, anyos single, residente sa ilang-ilang street, Barangay Poblacion, Polomolok.
Base sa inisyal nga imbestigasyon sa Polomolok Municipal Police Station, nakadawat sila ug report nga dunay nag sugal sa maong lugar maong ilang girespondihan nga miresulta sa pagsikop sa mga suspek.
Sa karon giandam na sa kapulisan ang pagpasang-at ug kaso batok sa mga suspetsado.(Richelle Giao)
Facebook Comments
