Davao City – Nasikop sa kapolisan sa Sta Ana ang tulo ka mga tao human nagsugal atol sa gilusad nga anti illegal gambling operation alas 2:30 sa kahaponon sa SouthBay Brgy Lapu Lapu, Agdao ning syudad sa Davao.
Subay sa report gikan sa Sta Ana Pnp ang mga dinakpan mao sila Visminda Bitangga, 66 anyos, Rosalie Marquez, 43 anyos ug Iresh Romero, 29 anyos pareho nagpuyo sa nasangpit nga lugar.
Matud pa ang tulo naaktuhan sa kapolisan nga nagsugal pinaagi sa pagdula og tong-its hinungdan sa pagsikop sa mga suspek.
Nakuha sa mga dinakpan ang usa ka set nga baraha, 300.00 pesos nga bet money ug uban pang mga gamit sa sugal.
Ang tulo ka mga dinakpan priso na Sta Ana PNP ug mag-atubang ug kasong kalapasan sa Presidential Decree 1602 kun Anti- Illegal Gambling.
Radyoman Don Pulayao
