General Santos City—Mas miubos pa ang mga tulonghaan nga musalmot sa ipahigayon nga pilot face-to-face classes sa Rehiyon-12, kini base sa gipagawas nga report sa Department of Education-Central office.
Sumala pa nga gikan sa lima ka mga tulonghaan sa Rehiyon ang buot unta nga musalmot sa pilot face-to-face classes anaa na lamang karon sa duha.
Kini mismo ang gikumperma ni Department of Education Assistant Secretary Malcolm Garma nga nag-back out ang tulo ka mga tulonghaan sa rehiyon.
Dugang pa opisyal nga gikan 59 ka mga pampubliko tulonghaan sa nasud anaa na lamang karon sa 30 ang malakip sa pilot face-to-face classes kon asa 29 niini ang pampubliko.
Wala usab gipanganlan sa opisyal kong unsa nga mga tulonghaan sa Rehiyon-12 ang malakip sa face-to-face classes karon Novembre 15.
Luyo pa man niini gikabutyag ni Garma nga adunay 46 ka mga tulonghaan ug LGU ang nangayo nga malakip sila pilot implementation sa face-to-face classes sa sunod nga bulan.
For more info’s and updates, like and share our official facebook account: www.facebook.com/ifm91.9Gensanofficial/____ #TatakRMN
#IFMAngIdolKongFM
#RMNnetworks
#ReachingMillionsNationwide
#RMNFoundation
[image: deped-12.jpg]
