Tumandok sang Cabatuan , Iloilo, isa sa mga awardees sa "Ten Outstanding Young Men" ukon TOYM 2019.

288

Isa ka Ilonggo nga tumandok sang banwa sang Cabatuan , Iloilo ang nalakip sa napulo ka mga awardees sang 2019 “Outstanding Young Men of the Philippines” ukon TOYM.
Ginpanginbulahan sang Senado pinaagi sa isa ka resolusyon ang napulo ka awardees nga ginalakipa ni Casiano H. Choresca Jr., sa patag sang Fisheries and Agriculture.
Ang iban pa nga awardees amo sanday Reynaldo Abellana para sa Arts and Humanities Music; Ziaur-Rahman Adiong para sa government service; Alfonso Tomas “Atom” Araullo para sa broadcast journalism; kag si Dino Carlo Chua para sa business-tourism.
Kalakip man sanday Glenn Fernandez para sa youth participation in disaster risk reduction; Gerardo Francisco Jr. para sa Ard and Humanities dance; Mark Paul Lopez para sa Medicine, colon and rectal surgery; Aisa Mejino para sa Science and green technoilogy kag Alfredo Paolo Vargas para sa public service.
Ang TOYM award nga gin-organisar sang Philippine Jaycees kag ginasuportahan sang TOYM Foundation kag sang Gerry Roxas Foudation nagatuyo nga mahatagan sang pagkilala ang mga bataon nga lalaki kag babaye nga may daku nga kontrtibusyon sa sosyedad ang ila dedikasyon sa ila tagsa ka mga propesyon.

Facebook Comments