Tungod han selos, lalaki ginbuno an costumer han iya asawa

445

TACLOBAN CITY – Ginpanmumuno han habal-habal driver an usa nga 47 anyos nga lalaki ha national highway han Brgy. San Roque, Tanauan, Leyte kakulop, November 20.

Subay ha report han Tanauan PNP, ginkilala an biktima nga hi James Constiniano Candela, 47 anyos, residente han Brgy. San Vicente, Tolosa, Leyte.


Ginkilala naman an suspek nga hi Constanciano Santo Lumanta, 45 anyos, usa nga habal-habal driver, residente han Brgy. Roxas, Dulag, Leyte.

Nagawas ha imbistigasyon han mga otoridad, nagkakape la hi Candela ha Maroto’s Bakeshop sapit han Rose Beauty Parlor kun diin naukoy hi Lumanta.

An asawa ni Lumanta in nagtatrabaho ha nasabi nga beauty parlor kumo manikurista nga kun diin naman regular costumer dinhi hi Candela.

Mayada na daan nga pagdumot hi Lumanta kan Candela tungod han selos.

Ginkompronta ni Lumanta hi Candela ngan nagkaada hin batunay an duduha pero kumuha hin 17-inches long kitchen knife hi Lumanta ha iya motorsiklo ngan ginbuno duha ka beses ha dughan hi Candela.

Nadara pa ha Leyte Provincial Hospital hi Candela pero dead on arrival na ini.

Arestado naman hi Lumanta ngan papasakahan hin kaso nga *murder.*

Facebook Comments

From Advertisers