AWOL NGA PULIS KAG APAT KA IBAN PA, DAKUP SA BUY BUST OPERATION SA BANWA SANG LEGANES.

112

Dakup ang AWOL nga pulis kag apat pa ka iban sa ginlunsar nga buy bust operation sang gintingub nga puwersa sang IPPO- Philippine Drug Enforcement Unit, Provincial Special Operations Group, Leganes PNP kag Maasin PNP alas 5 kaina sang hapon (Nobyembre 21) sa Barangay Bigke, Leganes, Iloilo.
Ginkilala ang subject nga si PO1 Andy Aspero, 33 anyos, tumandok sang Zamora-Melliza, Dela Rama St, Iloilo City apang temporaryo nga nagapuyo sa Barangay San Isidro,Lapaz, anay katapo sang PNP nga naasign sa Police Precinct number 1, apang Nag-AWOL sang tuig 2013.
Kaupod ni Aspero nga nadakpan sanday Jovan Zaragosa, 22 anyos, pintor, sang Tabuc Suba, Jaro; Liza Dionora, 39 anyos sang Zamora-Melliza, Dela Rama St., Iloilo City; Joremae Mena, 31 anyos sang Bakhaw, Mandurriao nga ginakabig big time nga drug pusher kag si John Joseph Ravena, 28 anyos sang Zulueta St., Oton, Iloilo.
Narecover sa mga suspek ang buy bust item nga isa ka daku nga sachet sang suspected shabu nga nagabalor sang 60,000 pesos; walo ka dalagku nga plastic sachet sang illegal nga druga; tatlo ka weighing scale; 5 ka cellular phones,isa ka steel box; 60,000 pesos nga boodle money; isa ka motorsiklo kag resibo sa Palawan pera padala.
Suno kay Major Jonathan Pinuela, team leader sang PDEU nga ginakuha sang mga suspek ang ila supply sa Negros Occidental kag naga-umpisa ang transaction sa New Bilibid Prisons sa Muntinlupa.

Facebook Comments

From Advertisers