Tungod sa babaye, 17 anyos gidunggab patay-suspek sikop

66

General Santos City—patay ang usa ka 17 anyos human kining gidunggab sa samang batan-on sa may Lagang, Purok 6, Barangay Bula, Gensan ala 1:00 ang takna sa kabuntagon, Hwebes, August 10, 2017.

Biktima nailhang si Kenneth Magundali, 17, residenti sa Purok 3, Barangay Bula. Samtang ang suspek giilang si Dave Lonzaga, 21, residenti samang Barangay.


Sa inisyal nga imbistigasyon sa kapulisan nasuta nga ayha ang pagpanunggab may natigayon nga gubot tali sa biktima ug sa suspetsado gumikan na usab sa away sa usa ka babaye.

Pila ka gutlo ang nakalabay, nahitabo na ang pagpanunggab diin ang biktima nakaangkon ug samad sa iyang kildi nga bahin.

Paspas kining gidala sa SOCKSARGEN Hospital, apan gideklara kining Dead on Arrival.

Malampuson usab nga nadakpan ang suspek sa krimen sa pagpanunggab, apan hugtanong gipanghimakak sa nahisgutan nga siya maoy sad-an sa krimen.



Sumala ni Lunsaga nga dili siya maoy nagdunggab sa biktima, siya nagkadugo lang gumikan siya nasanghiran sa biktima dihang siya gitabang aron dad-on sa ospital.

Natingala lang kini nga siya maoy gidakop sa kapulisan ug gibalhog sa silda. Giangkon hinuon niini nga iyang nakit-an ang kaguliyang ug nakurat nalang siya dihang dunay nadunggaban.


Sa karon padayon ang gihimong imbistigasyon sa insidenti samtang nag himo pag makuting imbistigasyon ang kapulisan kalabutan niini.

Facebook Comments