General Sntos City— nagpadayon hangtud sa kasamtangan ang pag-imbistiga sa kapulisan nga sakop sa Police Station 2 kalabutan sa nahitabong pagpanunggab sa usa ka lalaki sa iyang barkada sa may Zone 5, Barangay Labagal Gensan.
Biktima giilang si Edris Badtuan, 23, residenti sa Purok Saway Barangay Labangal ning syudad.
Sa inisyal nga imbistigasyon sa Police Station 2, nasayran nga alas 8:00 ang takna sa gabie niadotng nakalabayng adlaw, nag-inum matud pa ang biktima uban sa iyang barkada sa may Zone 5.
Dihang nahunog didto na nag bingkil ang biktima ug ang suspek tungod lang sa estorya. Wala makapugong sa iyang kasuko ang suspek, mukuha kini ug kutsilyo dayon gidunggab ang nasangpit igo sa iyang likod nga bahin.
Misibat usab gilayon ang suspek samtang ang biktima, gidala sa Dr. Jorge Royeca Hospital. Sa kasamtangan nagpaalim pa ang nasangpit nga biktima samtang ang suspek padayon pang gipangita sa kapulisan.
