Usa ka pagpangluba ang nahitabo sa nakalabayng gabie didto sa may bunk house sa Mandarin Hardware, Magsaysay St. Brgy. Miputak, Dipolog City, nahitabo mga alas 8:30AM kapin kun kulang.
Ang biktima mao si Joey Ando Sumambod, 25, taga Brgy. Moliton, Roxas, ZDN usa ka truck man sa Mandarin hardware kinsa gidunggab ni Anthony Atig Caiso, 26 anyos nga taga brgy. Tinaytayan, Piñan, ning probinsya.
Sa pag imbistiga sa Dipolog CPS gikabutyag nga nag maoy kining person of interest ug grabeng sukoa tungod sa pagka wagtang sa iyang cellphone, gipasanginlan niya ang biktima. Pagkahuman milakaw kini si Anthony pipila ka gutlo mibalik na kini ug nagbitbit na sa hinagiban nga kutsilyo, niadtong higayona nakabantay ang biktima nga si Joey hinungdan nga miadagan kini sulod sa iyang kwarto apan gisundan kini ug didto nakahigayon kini si Anthony sa pagdunggab kang Joey sa walay igong rason, maayong pagkaigo sa tiyan
Saysay pa sa naka kita sa panghitabo nga si Elsie A. Suya human sa pagpangluba dali nga misibat si person of interest nga si Anthony samtang ang biktima nga si Joey dali kining gidala sa balay tambalanan.
Dali ra usab nga nasikop sa kapulisan sa Dipolog ang mihimo sa maong insidente samtang ang biktima pipila ka minuto sa hospital gideklara kining patay.
Karon pormal na nga napasakaan ug kaso ang dinakpan ug serbisyohan sa sulod sa bilangguan ang salaod nga nahimo.
