General Santos City—Patay ang usa ka Alias Reyna, 16 anyos, residenti sa Foremost Vill., Barangay Apopong, Gensan human kining naghikog.
Nasayran nga una nang nakaplagan sa iyang mga kabanay ang biktima nga nagbitay na sulod sa ilang panimalay kagahapong adlawa, adlawng Domingo.
Sumala sa inahan sa biktima nga si Nancy, ayha nagpakamatay iyang anak niadto pa kini sa usa ka resort kay kuno adtuan niini ang iyang amiga. Apan gikakurat nalang sa ginang nga ila nalang naabtan nga wala nay kinabuhi ang nasampit.
Sa ilang pagsuta sa cellphone niini didto nasayran nga nag-away ang biktima ug ang iyang uyab nga usa ka basketbolista.
Gani adunay mensahe sumala pa nga dawsa gihagit pa sa uyab ang batan-on nga maghikog.
Gikumperma usab sa ginang nga tungod sa kasuko sa ilang pamilya ngadto sa uyab sa iyang anak, nakulatahan kini dihang iyang gibisita ang biktima samtang kini anaa sa morgue sa ospital nga gidad-an kaniya.
Sa Pagsuwat niining maong balita wala pa nagpagawas ug pahayag ang boyfriend sa biktima kalabutan sa paghikog sa 16 anyos.
