Pagadian City—Usa sa mga gitan-aw nga motibo sa kapulisan sa dakbayan sa Pagadian sa pagpakamatay sa usa ka batan-on mao ang Gugma.
Sa natala sa kapulisan sa dakbayan usa ka Allen Feleciano, 16 anyos nga taga Nazareth Barangay Buenavista ning siyudad ang nakit-an kining wala nay kinabuhi samtang anaa sa iyang giabangang poy-anan sa Barangay San Francisco.
Usa ka boardmate ang nakakita sa biktima nga wala nay kinabuhi samtang nakagakot ngadto sa iyang liog ang usa ka kadena nga maoy nakapakutlo sa iyang kinabuhi.
Nasayran usa sa kapulisan nga usa sa mga gihambing problema sa biktima mao ang panagbuwag sa iyang mga ginikanan nga maoy usa sa iyang gikaguol ug ang suliran sa gugma.
Patay’ng lawas sa biktima gidala na sa Gamalinda funeral homes samtang mas gipalawman pa sa kapulisan kung unsa pay lalom nga motibo sa pagpakamatay diin nagplano ang pamilya niini nga ipailalom sa otopsiya ang patay’ng lawas. (DXPR News team)
