Siayan, ZDN-Human nga naka detained sa Siayan MPS ang usa ka person of interest nga miluba sa usa ka 40 anyos nga lalaki, hayan na kini mapasakaan ug kaso karong adlawa didto sa korte.
Kahibaloan nga giluba ni Ronie Nepomocino Bagundol si Joel Gimalal Jeraga pulos kini sila residente sa may Sitio Tagaytay, Brgy. Muños sakop sa lungsod sa Siayan.
Sa gihimong makuti nga imbistigasyon sa PNP Siayan ang person of interest ug ang biktima naglingaw-lingaw kini ug nag-inom apan wala damha nga nagkalalis sila nga miresulta na hinuon sa dili maayong panghitabo.
Sa walay pag duha-duha milanit si Ronie sa iyang mahait nga kutsilyo dayong luba ngadto kang Joel nga meresulta sa iyang wala damhang kamatayon.
Nagpasalamat sab ang pamilya sa biktima tungod kay dali ra kining na sikop sa PNP Siayan.
Naglaum ang pamilya sa biktima nga mapasaka na karong adlawa ang kaso batok sa person of interest nga si Ronie.
