Report ni: Tita Jen Palomo Debaja
Patay ang isa ka bag-o lang nag abot para magbakasyon nga Overseas Filipino Worker matapos ginbuno sang pila ka beses sang mister sa atubang mismo sang ila kabataan.
Ginkilala ang biktima kay Angela Arevalo sang Hacienda Alicante, Barangay Bungahin, Isabela Negros Occidental.
Sang Biyernes lang nag abot ang biktima halin sa Kuwait kag tungod may indi paghangpanay ang OFW kag ang mister sini, sa balay sang ginikanan nag diretso ang biktima.
Gina alegar nga sadto paman pirmi na ginasakit sang mister ang iya asawa. Sang Domingo, nagkadto ang OFW sa ila poluy-an upod ang iya utod nga babaye agud bisitahon kontani ang iya duwa ka kabataan.
Apang sa gwa palang sang ila balay, ginsugata na ini sang mister kag sunod sunod nga gin tampa. Nag init ang baisay sang duwa asta gin gabot sang mister ang ginataklos nga kutsilyo kag ginbuno sang sang pila ka beses.
Nakaagum sang mga patal nga kapilasan ang biktima sa iya kamot, dughan kag iban pa nga parte sang lawas nga nangin kabangdanan sang pagkamatay sini.
Ginapatihan nga pangimon ang motibo sang suspek kon sa diin naka baton sang impormasyon ang mister nga samtang yara sa Kuwait ang misis, nagkarelasyon ini sa lalaki nga taga-Mandaluyong kag kaupod sini nga nagpauli sa Negros.
Padayon pa nga atlarge ang suspek matapos nakapalagyo pagkahim sang krimen.
