South Cotabato—patay nang nakaplagan ang usa ka 29 anyos nga babaye human naghikog sulod sa ilang panimalay pasado ala 1:30 sa kabuntagon sa nakalabayng adlaw sa Purok Magsaysay, Brgy. San Miguel, Norala, South Cotabato.
Giila ang biktima nga si Shella Paradero Lamodin, 29anyos, dalaga, helper ug residente sa Barangay Tinago, Norala, South Cotabato.
Subay sa inisyalnga imbestigasyon sa NoralaMunicipal Police Station, ayha nahitabo ang insidente, una nang nagbutyag ang nahisgutan sa iyang live-in partner nga duna kini dakong problema apan wala kini tagda sa iyang kapuyo , inay siya gimaymayan nga matulog nalang tungod pagkaugma ilang sabutan ang gikaingong problema niini aron masulusyunan.
Bandang kaadlawon dihang nakit-an nalang sa igsuon sa kapuyo sa biktima ang nahisgutan nga nagbitay na sulod sa ilang panimalay human iyang gihiktan ug lubid ang iyang liog.
Dugang pagbutyag ni PCI Conrado Jovero, Hepe sa Norala PNP nga depression ang usa sa ilang nakit-ang rason sa paghikog sa nahisgutang biktima.
