Patay ang isa ka mangunguma sa nagluntad nga pagpangluthang sa Sitio Lubol, Brgy Upper Sepaka, Surallah, South Cotabato kahapon nga adlaw, Marso 18, 2021.
Ginkilala ang biktima kay Maximo Ladrillo, 44,-anyos, mangunguma kag residente sang Sitio Lubol, Brgy Upper Sepaka sa nasambit nga banwa.
Base sa imbestigasyon sang Surallah MPS, alas 3:00 sang kaagahon, kahapon nga adlaw ginsulod sang mga suspek ang balay sang biktima kag ginpukaw nila ini kag gintiro sa leog nga nangin tunaan sang iya hinali nga kamatayon.
Ginkilala naman ang mga suspek nga sanday Cafgu Magol Legal, 35-anyos, mangunguma kay residente sang Sitio Malones, Brgy. Upper Sepaka, Ngato Samgulang, 27-anyos, mangunguma kag alias Ma Lidong , 28- anyos, pareho residente sang Sitio Malones, Brgy. Upper Sepaka, Surallah, South Cotabato nga lunsay yara sa impluwensya sang makahulubog nga ilimnon sang nagluntad ang insidente.
Gilayon naman nga nagpalagyo ang mga suspek sa wala nahibaluan nga direksyon kag sa subong padayon nga ginapangita.
Sobra naman nga kahulugbon ang nakit-an nga motibo sang kapolisan sa nasambit nga insidente.
Kaso naman nga murder ang ipasaka batok sa mga suspek.
