Adunay positibong resulta sa pagsumpo sa insurhensya kung makig-layon ang mga sibilyan ngadto sa kasundaluhan.
Kini ang nahitabo didto sa P-7, brgy. Lower Olave, Buenavista, Agusan del Norte diin nahitabo ang 5 ka minutes nga bakbakan sa dihang mirespondi ang tropa sa 23rd IB Phil. Army sa bukirang bahin sa lugar gumikan sa tahu sa mga sibilyan nga adunay presensya sa dili moubos ug 10 ka armadong rebelding New Peoples’ Army (NPA), bandang alas 11:50 sa buntag.
Human sa sinukli-ay sa mga bala, mikalagiw ang mga rebeldi sa wala masayring direksyon ug malampusong nakuha sa military sa encounter site ang mga gamit panggyera sa mga NPA sama sa duha ka M1 carbine riffles, usa ka cal.22 nga pistola, usa ka anti-personnel mine armed uban ang blasting cap, 30 meters nga electrical wires, tulo ka cartridges sa 40mm, usa ka hand grenade, tulo ka commercial radios, tulo ka magazine sa carbine riffles, 350 rounds sa bala sa carbine riffles, lima ka cellphones, usa ka sniper scope ug pito ka mga pack bags nga adunay sulod sa mga personal nga gamit ug subersibong dokumento.
Hinoon wala gikatahong casualty sa duha ka panig sa naasyong engkwentro.
Gumikan niini nagpasalamat si LTC Francisco Molina, Jr, commanding officer sa 23rd IB Phil. Army sa pakig-alayon sa mga sibilyan ngadto kanila.
[image: army masigasig.jpg]
