GIKAKURAT ug gikasagmuyo sa amahan sa gidangatan sa iyang anak nga naghikog, nahitabo didto sa may Brgy. Pob. South, Piñan, ZDN.
Ang nagpakamatay mao si Alvin Ynot Elcamel, 35 anyos, kinsa nagbigti sulod mismo sa iyang kwarto partikular sa gangha-an.
Gibutyag sa amahan sa biktima nga si Ronaldo Elcamel nga iyang gisubay ang anak sa gi abangan niini nga balay.
Apan misugat sa iyang duha ka mga mata ang nagbitay nga lawas sa iyang anak ug wala nay kinabuhi.
Gamit ang mosquitero, gibugkos sa biktima sa iyang liog ug nagpakumbitay maoy hinungdan sa wala damhang kamatayon niini.
Gisulayan pa unta kini ug dala sa tambalan, pero patay na kining nahidangat, matod pa ni Dr. Jose Abeso Noriega, nga maoy misusi sa patayng lawas.
Dako usab ang pagtoo sa amahan nga ang hinungdan sa pag hikog mao ang problema niini sa utang tungod sa kadako sa kantidad.
