Tupi kag 3 ka mga barangay sa South Cotabato ginpaidalom sa state of calamity tungod sa pagbaha kag landslide.

Ginpaidalom na sa state of calamity ang banwa sang Tupi kag 3 pa ka mga barangay sa probinsya sang South Cotabato tungod sa pagbaha kag landslide epekto sang naeksperyensyahan nga pag-ulan sa probinsya.
Ang mga barangay nga ginpaidalom sa state of calamity amo ang barangay Saravia sa syudad sang Koronadal, Poblacion sang Tantangan kag Brgy. Tablu sa banwa sang Tampakan, South Cotabato.
Ginkumpirmar naman ni Tampakan Mdrrmo Estela Pascua nga may plano man sila nga magdeklarar sang state of calamity tungod sa natuga nga danyos sang pagbaha kag landslide sa mga barangay sang Liberty, Palo, Kipalbig kagLampitak sang nasambit nga banwa.
Sa subong suno sa iya ang Barangay Tablu na sang Tampakan ang nadeklarar sang state of calamity.
Nagapadayon naman ang damage assessment sang Mdrmo Tampakan kag Tantangan sa natuga nga danyos sang pagbaha kag landslide sa iban pa nga mga barangay sini.
Nahibaluan nga sa datos sang Pdrrmo South Cotabato ang mga banwa sang Tupi, Tampakan kag Tantangan ang mas nga naapektuhan sa subong sang kalamidad.