Davao City – Nagpasalamat ang Department of Tourism (DOT-XI) nga luyo sa epekto sa Coronavirus Disease 2019 (COVID-19) pandemic, hinay-hinay nga nakarekober ang turismo labi na sa mga probinsya sa rehiyon.
Atol sa One Davao on COVID-19 Virtual Presser, gibutyag ni Tanya Rabat-Tan, DOT-XI Regional Director, nga sa ilang pagtuyok sa Davao Region, daghang mga tourism sites ang nag-abli sama sa mga resorts, caves, waterfalls ug uban pa.
Gikanayon ni Tan, taliwala nga daghang nagsirado nga tourism sites ug establishments niadtong 2020 sa pagsugod sa pandemic, ubay-ubay na usab ang nag-abli karong tuiga.
“Actually may mga na-discover tayo na maraming nagbukas, sa pag-ikot natin maraming nagbukas ng negosyo. Marami tayong opportunities here in the region at marami tayong offerings na may outdoor offerings,” segun ni Tan.
Gibutyag sa DOT-XI official, nagapahigayon sila karon og site validation aron matabangan ang maong tourism industries nga mapromotar pa alang sa hinay-hinay nga pagrekober gikan sa epekto sa pandemya.
RadyoMaN Kirby Manzon
