Turnout sa mga botante sa umaabot piniliay, ginadahom gihapon nga mutaas sumala sa CWGG-X

Nagtoo ang Citizens Watch on Good Governance (CWGG)-X nga taas gihapon ang ihap sa mga mobotar sa umaabot piniliay ilabi na sa pagka-Presidente tungod kay sumala pa ang mga Pilipino gusto mupartisipar sa Electoral Process.

Sa pamahayag ni Atty. Antonio Soriano, ang Lead Convenor sa CWGG-X atol sa interview sa RMN Malaybalay nga aktibo nga mupartisipar ang mga Pilipino sa electoral process apan problema nalang ang internal issue sa buhatan sa Commission on Election (COMELEC) ug unta masulbad na kini sa dili madugayng panahon.

Dugang pa nga gumikan sa issue sa electoral process, nawad-an na og kredibilidad ang COMELEC susama sa laing nasud.

Mipahimangno usab si Atty. Soriano sa mga botante nga makuting pillion ang mga kandidato sa umaabot eleksiyon.

Sa pikas nga bahin, pabor si Atty. Soriano sa pagpamakuna sa mga bata nga nag-edad 5 hangtud 11 anyos.

Nagsugod adtong Lunes ang pagpamakuna sa mga bata nag-edad 5-11 anyos sa kauluhan sa Manila diin nagtumong nga mabakunahan ang muabot sa 15 milyong mga bata sa nasud.

Matud pa ni Atty. Soriano nga ang mga dili gusto magpabakuna, gatoo nga makadaot ang mga bakuna sa kalawasan apan mapanghinauton siya nga unta makita na sa mga dili magpabakuna ang importansiya sa bakuna sa kalawasan batok sa Covid-19.