Cauayan City,Isabela- Muling umarangkada ang Department of Public Works and Highways – Isabela Third District Engineering Office para sa konstruksyon ng Turod-Banquero Bridge Phase 2 sa Reina Mercedes, Isabela na nagsimula pa noong Pebrero 17,2021.
Sa ulat ni DPWH Region 2 Regional Director Loreta M. Malaluan at OIC-District Engineer Adonis A. Asis, matagal na umanong pangarap ng mga residente sa lugar ang pagsasaayos ng tulay na higit na makatutulong para mapabilis ang transportasyon.
Ayon pa kay Asis, mahalaga ang proyektong ito para sa mga residente para sa mas ligtas na biyahe at maiwasan ang sumuong sa mas delikadong biyahe gamit ng bangka patawid sa kaliwang pampang.
Bukod dito, mababawasan nito ang oras ng paglalakbay na nagbibigay ng maginhawa at mas mabilis na pag-access sa pagdadala ng mga lokal na produkto at serbisyo sa mga sentro ng kalakalan at negosyo.
Kasama sa gawaing proyekto ang pagtatayo ng mga pier / post na pinondohan sa ilalim ng Pag-iba-iba ng Imprastraktura kabilang ang Local Projects – Local Roads and Bridges – Local Bridges na may kabuuang halaga ng kontrata na P29-milyon.
Inaasahan namang makukumpleto ang naturang proyekto sa Hulyo ngayong taon.
