Patay an magbana-asawa na sila Wilbert Gingo, Marlina Gingo, ug an ija 4-anyos na apo na babaje, human nadusmog nan Passenger Van an ila tagsakyan na tricycle, sa National Highway nan P-6, Barangay Bonifacio, syudad nan Surigao kagaina alas 9:05 sa buntag. Sa nakuha na impormasyon nan RMN Surigao, inin Van na tagdrayban ni Recto Acevedo, 37anyos, taga Carmen,Surigao del Sur,an gikan sa Surigao City pacingod unta nan Bad-as,Placer,SDN. Sumaya pa sa imbestigasyon nan mga otoridad nawad-an nan kontrol an driver sa ija sakyanan human nibuto an waya na ligid sa sakyanan sanan mibangga sa tricycle nan mga biktima na gikan isab sa Boyongan,Placer,SDN pasingod unta dire sa Surigao City tungod sa kakusog sa pagkabangga,nagbuyag an kaha o sidecar sanan motorsiklo. An Lola sanan apo an diretso nawad-an sa kinabuhi human an aksidente. An Lolo isab na amoy nagdrive sa trisikad an namatay human an isa ka oras sa Caraga Regional Hospital. Samtang, an driver sa Van na si Acevedo an boluntaryo misurender sa kapolisàn .
