Ginpauntat sang Division of South Cotabato ang pagpaidalom sa 25 ka adlaw nga training sa mga athletes sang probinsya nga magasabak sa patigayunon nga Socsargen Regional Athletic Association ukon SRAA meet 2020 sa Marso 1 tubtob 5 subong nga tuig.
Suno kay Schools Division Supt. Ruth Estacio ang nasambit nila nga tikang ang base naman sa kamanduan sang taglikom sang talatapan nga pagsuspindir sang tanan nga aktibidad subong nga bulan tungod sa paandam sang 2019 Novel Coronavirus.
Samtang suno kay Supt. Estacio indi buot silingon nga mag-untat training ang mga athletes tungod may ginplastar man nga training plan ang ila mga coaches nga bisan sila lang.
Nahibaluan nga nahouse sa Banga Central Elementary School kag Banga National High School ang mga athletes sang probinsya.
