Roxas City, Capiz- Base sa forecast track sang Japan Meteorological Agency, sa Miyerkules posible nga magsulod sa Philippine Area of Responsibility ang Typhoon Mangkhut. Pananglitan ini na ang yara sa PAR line, pagatawgon ang amu nga bagyo nga “Ompong”.
Sa extendend forecast sang Joint Typhoon Warning Center sang Amerika, posible nga pagsulod sang Philippine Area of Responsibility sang bagyo, yara sa 125 knots okun 231 kph ang kabaskugon nga hangin nga dala sini. Ang kasubong kabaskugon nga hangin ang yara na sa Super Typhoon Category.
Posible nga mangin kabaskog sang Bagyo Yolanda ang Typhoon Mangkhut bangud magatipon ini sang pwersa samtang yara sa Pacific Ocean.
Partikular nga tumbokon sang bagyo ang Luzon area.
Samtang gin-alerto na ang nagkatuhay nga mga rescue kag medical team sang nagkatuhay nga sanga sang gobyerno.
