TYPHOON ALERT | Bagyo "OMPONG", nakasulod na sa PAR line suno sa PAGASA!

Roxas City, Capiz- Labi pa nga nagbaskog ang Typhoon Mangkhut samtang ini ang nagapalapit sa pungsod.
Ang sentro sang bagyo ang ulihi nga nasiplatan sa 1,390 kilometers east sang Southern Luzon.
Ini ang nagbaskog pa kag dala ang kabaskugon snag hangin nga nagalab-ot sa 200 kilometers per hour kag pagbugso nga nagalab-ot sa 245 kilometers per hour.
Nagahulag ang bagyo sa kadasigon nga 20 kilometers per hour sa direksyon nga pa-Nakatundan.
Sa pinakaulihi nga report sang PAGASA, alas 3 subong nga hapon nakasulod na sa Philippine Area of Responsibility ang Typhoon Mangkhut! Ini ang pagatawgon na nga bagyo “Ompong”
Sa masunod nga apat tubtob lima ka adlaw, pagatumbokon ni Ompong ang Northern Luzon.
Sa weather forecast sang PAGASA, apektado sang Habagat ang Palawan, Western Visayas, kag Western Section sang Mindanao gani ang nasambitan nga mga lugar ang magasuprer sang magal-umon nga kahawaan nga may kalat-kalat nga pag-ulan.