Roxas City, Capiz- Bangud sa tropical depression nga Samuel nga na-forecast nga maga-agi sa Western Visayas, ginpaidalom na sang Office of the Civil Defense Region 6 sa Blue Alert Status ang tanan nga operation center sini sa rehiyon sais.
Sa amu nga direktiba nga pirmado ni OCD Regional Director Jose Roberto Nuñez, ginamandoan ang PAGASA, DILG, AFP, PNP, PCG, BFP, DSWD kag DOH subong man DA nga magpadala sang Duty Detail Personnel sa Operation Center sang Regional Disaster Risk Reduction and Management Council VI sa Camp Martin Delgado sa syudad sang Iloilo.
Subong man ang mga local DRRMOs ang gina-abisohan nga ipasaka sa nasambitan nga status ang tagsa ka mga operation center para sa close monitoring kag coordination sa mga concerned agency.
