Tabina, Zamboanga del Sur – Naglusad na karun og Hot pursuit operation ang kapulisan sa lungsod sa Tabina aron nadakpan ang driver sa single motor nga nakaligis sa duha ka estudyente alas 6:35 kagabii didto sa Provincial Road sa Purok Paran, Poblacion, Tabina, Zamboanga del Sur.
Giila ang biktima nga si Heart Anito , 19 anyos , Grade 11 student ug Regine Maglanat, 18-anyos, Grade 12 student pulos residente sa Purok Barangay Poblacion, Tabina, Zamboanga del Sur.
Sa imbestigasyon nasayran nga samtang nagbaklay ang mga biktima , kalit nga niagi ang naghaguros nga Skygo King 125, nga gimaneho ni Danny Arbelo ug aksidinte nga naligsan ang mga biktima.
Gumikan sa ka kusog sa impak nakahi-agom sa daghanang samad sa lawas ang duha ka dalaga nga karon nagpa-ailim sa Zamboanga del Sur Medical Center samtang gipangita pa driver nga nisibat human sa insedente.
