TYPHOON ALERT | Tropical Depression “Usman”, nangin Low Pressure Area(LPA) na lamang; Signal warning sa Capiz, ginkakas na!

Roxas City, Capiz – Nangin Low Pressure Area(LPA) na lamang ang Tropical Depression “Usman”. Ini ang base sa pinakaulihi nga weather bulletin nga ginpaguha sang DOST-PAGASA subong lamang alas 7 sang aga.
Suno kay Mrs. Emilda Oleo Ofalia sang Roxas City PAGASA, base sa available data ang sentro sang LPA ang yara sa bisinidad sang Llorente, Eastern Samar (11.3 °N, 125.4 °E).
Bangud sini, ginpangkakas na ang warning sa mga lugar nga una ginpaidalom sa tropical signal warning number 1.
Base sa abiso sang NDRRMC, bangud sa tayuyon nga pag-inulan kagab-e, ginpaidalom ang Capiz sa ORANGE RAINFALL ALERT kun sa diin lauman ang pagbaha ukon pagtaas sang lebel sang tubig sa kasubaan.
Suno kay Ofalia, magamay lamang nga porsyento sang ulan ang mabatyagan sa pila ka mga lugar sa Capiz dala sang Hangin Amihan.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments