Davao City – Nagtuo ang usa ka doktora nga wala napasagdan sa syudad sa Davao ang ubang health concerns sama sa mga nagbuntis o manganakay nunot niining pagkalat sa COVID-19.
Usa ka huyang o bulnerable nga grupo ang mga buntis karong panahona gumikan sa hulga nga dala sa COVID-19.
Sa pakighinabi sa DXDC RMN Davao kang Dr. Dawn Martin, usa ka Ob-gyne Infectious Diseases Specialist ug Southern Philippines Medical Center (SPMC) COVID specialist sa Institute of Women and Newborn health, giingon niini nga kinahanglan sutaon usa pag ayo sa buntis og kinahanglan ba gyud magpacheck up ayha mudesisyon nga mugawas sa balay.
“Pag mag pa-prenatal ang usa ka buntis unya mugawas sa balay mabutang sila sa risgo kay wala man ta kabalo kinsay naay infection sa palibot. Kung kinahanglan mugawas ang mama para magpa check up, o unsay rason, nagdugo, migawas ang panubigon, dili mulihok ang bata, mga senyales na kini nga kinahanglan magpacheck up. Dili tanan doctors available sa clinic for check up, ang SPMC gindawat nila apan naa silay hotline, manawag ang bunits aron sa online check up, didto disesyunan kung kinahanglan magpacheck up for physical exam and evaluation,” segun ni Doc Martin.
Hugot usab gipahinumduman sa doktora ang mga nagsabak nga i-monitor sa kanunay ang bata, 2.5 liters nga tubig ang inumon sa usa ka adlaw ug magpabiling healthy.
Sa karon, dili naga-cater og elective nga mga operasyon ang SPMC apan gihatagan nila og pagtagad ang emergency cases sama sa pagpanganak ug pagparaspa.
RadyoMaN Renz Barbarona
