Siocon- Padayon pa karon ang gihimong imbistigasyon sa kapulisan sa Siocon kun kinsa gayud ang responsible sa gihimong pagpamutol sa mga kahoy nga endangered species.
Kahinumduman nga nagpahigayon ug operasyon ang kapulisan sa Siocon ug CENRO batok sa illegal nga pagpamutol sa kahoy partikular mente sa may Sitio Looc-Malakubing, brgy. Labaton, lungsod sa Siocon mga alas 4:00PM adlang byernes.
Nakuha sa mga operatiba Siocon MPS uban sa CENRO ang illegal nga wood lumber, gituohan kining hapit na mahurot sa kagulangan karong mga panahona. Gilangkuban kini sa Apitong, Miyapis, ug Lawaan, anaa kini sa nagkadaiyang sukod ug gibana-bana kining moabot sa 1,000 ka board feet ug ang gibana-bana usab ang presyo niini sa merkado mo balor sa 34,000mil tungod kay tag ₱25.00 ang board feet.
Ang nahisgutan nga mga kahoy anaa na karon sa kustodiya sa CENRO-Siocon alang sa tukmang disposayon.
Ang mga tawo nga naghimo sa maong illegal nga pagpamutol posible nga mag atubang sa kaso ilawom sa PD. No. 330 (Penalizing Timber Smuggling Or Illegal Cutting Of Logs From Public Forests And Forest Reserves As Qualified Theft).
