Gikabutyag karon sa usa ka Political Analyst nga gumikan sa padayon nga gubot taliwala sa Russia ug Ukraine maong mas taas ang presyo sa Diesel kung itandi sa gasolina.
Sa interview sa RMN Malaybalay ngadto kang Atty. Antonio Soriano, Political Analyst ug Lead Convenor sa Citizens Watch on Good Governance (CWGG)-10, gibutyag niya nga kasagaran sa mga ginagamit nga mga war vehicles sa Ukraine ug Russia, Diesel og dili gasolina ang ginagamit.
Kana matud pa ang rason nga mas taas ang presyo sa Diesel kon itandi sa gasolina.
Wala sumala pa kitay mahimo niini tungod kay dili man Oil-producing country ang Pilipinas. Magadepende lang kita sumala pa sa presyo sa pangkalibutanong merkado.
Mapamatud-an usab kuno nga dependent ang mga war vehicles dili lang sa Ukraine ug Russia apan maskin diri sa Pilipinas gawas nalang sa eroplano tungod kay high octane gasoline man ang ginagamit niini.
Facebook Comments
