Davao City – Hapit mahimulbulan ang usa ka langyaw sa usa ka taxi driver apan maayo na lang kay pa naabtan sa kapulisan sa wala pa mahitabo ang mao nga laraw kaganinang kadlawon.
Nakatulog og maayo ang langyaw gumikan sa grabe kahubog dihang misakay kini sa taxi gikan sa usa ka dakong mall sa Bajada niing syudad alas 3:00 kaganinang kadlawon.
Giingon ni PO1 Pido sa Mobile Patrol nga giplanohan na unta arboron sa wala nganli nga taxi driver ang mahalon nga sapatos sa Ukrainian seaman aron mabayran ang taripa sa taxi nga bayrunon.
Matud pa ni PO1 Pido nga nakatulog sa kasagbutan nga bahin sa gawas sa insular hotel sa may lanang ang langyaw mao naglisod og singil sa bayad ang driver hinungdan nga giinitan niini ang sapatos.
Sanglit hubog ug nakahinanok ang langyaw gidala sa Presinto 4 ang nasangpit nga langyaw alang sa safe keeping.
Nasayran nga nagdunggo ang barko nga gitrabahoan sa Ukrainian national sa Davao International Terminal Containers sa may Panabo City, Davao del Norte, diin gituohan nga nag-inusara midayo dinhi sa siyudad ang maong langyaw.
RadyoMaN Joel Viray
