Naka angkon ug ubay- ubay nga samad tinigbasan ang biktima human kini gi tigbas sa iyang step brother, didto sa Sitio Pagaypayan, Brgy. Punawan, Mabuhay, Zamboanga Sibugay.
Naila ang biktima nga si Anic Valenzona Capotilla, 35 anyos, ulitawo, ang ge tigbas ni Rommel Inghog Valle, 26 anyos, ang duha molupyo sa susamang dapit.
Sa inisyal nga imbistigasyon, naglalis ang biktima ug ang iyang amahan sulod sa ilang panimalay, samtang dali nga migawas ang suspek aron unta depensahan ang iyang step father, apan sa wala madugay mitigbas na hinuon kini sa makadaghan nga higayon ngadto sa biktima.
Dali usab kining gidala sa balay tambalanan didto sa lungsod sa Olutanga alang sa hinanaling medikasyon.
Sa pagresponde sa kapulisan sa Mabuhay, malampuson nga naaresto ang suspek ug karon balhog na sa balay bilangguan sa nasangpit nga lugar.
