San Pablo, Zamboanga del Sur – Dead on the spot ang 35 anyos nga lalaki dihang mikatkay kini sa punuan sa lubi og dayon niambaka alas alas 8:00 niadtong nakalabay nga gabii didtong dapita sa Purok Camanting, Brgy. Mulansong sakop sa lungsod sa San Pablo ning Zamboanga del Sur.
Patay nang napalgan sa iyang kabanay ang biktima nga si Rolando Siapel, ulitawo og residente sa nahisgutan nga lugar.
Sa inisyal nga imbestigasyon sa kapulisan sa San Pablo nasayran nga lango sa ilimnon nga makahubog ang biktima niadtong higayon nga nisaka sa punuan sa lubi nga 20 feet ang gitas-an.
Dihang anaa na sa habogn si siapel kalit kini nga niambak hinungdan sa hinanali nga kamatayon sa biktima.
Sumala sa pamahayag sa inahan sa namatay kanunay matud pa nga musaka sa lubi ang biktima sa higayon nga kini mahubog.
Gituohan nga naghikog ang maong ulitawo kay daghang panahon usab nga misulay kini pagkutlo sa iyang kinabuhi.
