Davao City- Padayong giimbestigahan sa kapolisan sa Talomo ang gireklamong upat ka mga sakop sa Task Force Davao nga giingong nangulata human mireklamo ang usa ka ulitawo.
Sumala sa biktima nga si Daser Pedrasa Aldao, 19 anyos, ulitawo ug nagpuyo sa Del Carmen Village, Matina Aplaya syudad sa Davao, natigayon ang pagpangulata kaniya sa basketball court sa Seaside 2, Matina Aplaya ning dakbayan mga alas 4:30 sa hapon.
Matud ni Aldao, dunay usa ka party sa ilang silingan diin bisita nila mga sakop sa TFD ug didto sab nahitabo ang pagpangulata.
Giila lamang sa mga alyas Aquino ug Ramos ang duha ka mga sundalo samtang wala na nganli ang lain pang duha kinsa giingong mitabang ug kulata kaniya tungod sa bikil nga nahitabo. Gitambagan sa kapolisan sa Talomo si Aldao nga mokuha ug medical certificate alang sa pagpasaka ug pormal nga reklamo batok sa giingong sakop sa Task Force Davao.
Kasamang Erin Lumosbog
