Davao City – Electrical wire ang gigamit sa usa ka ulitawo pagtapos sa iyang kaugalingong kinabuhi alas singko sa kaadlawon niadtong miaging Sabado sulod sa usa ka rest house sa Barangay Tigatto, Buhangin ning siyudad.
Si Jayson(dili tinuod nga pangalan) nakaplagan mismo sa iyang inahan nga nagbigti gamit ang maong electrical wire sulod sa rest house duol sa ilang panimalay sa Tigatto. Gisuwayan pa’g badbad ang gitali nga wire sa liog sa ulitawo apan pakyas kay nabugtuan na kini sa iyang gininhawa.
Wala masayud si Nanay Salvacion(dili tinuod nga pangalan sa inahan) kung unsa ang hinungdan sa pagpakamatay ni Jayson, apan mga kapulisan sa Buhangin nagtambag sa iyang pamilya nga ipa-otopsiya ang patayng lawas niini.
Hinoon, sa pasiunang imbistigasyon sa Buhangin PNP, matud pa, walay foul play sa kamatayon sa maong ulitawo nga gi-ingong walay trabaho.
Kasamang Joel Viray
