Ulitawo nawala’g tulo ka adlaw, nakit-ang dugta na ang lawas nga nagbitay sa kahoy

287

Davao City – Anaa na sa state of decomposition ang lawas sa usa ka ulitawo dihang nakaplagan sa mga kabanay sa Purok Santa Cruz, Barangay Indangan, Buhangin District ning siyudad pasado alas sais sa gabii.

Nakit-an na lamang ang patay’ng lawas ni Vicente Fuentes, nagpangidaron og 24 anyos, sa punuan sa santol partikular sa kasagbutan ug bakilid nga bahin, usa ka gatus metros ang gilay-on gikan sa panimay niini.

Nasuta sa imbestigasyon ni PO3 Ronnie Relator sa Homicide and Arson Section sa Buhangin PNP nga gideklarang missing ang biktima niadto pang Agosto 20,2017 diin nasayrang tulo ka adlaw kining gipangita sa iyang pamilya.


Wala na gidala sa ospital si Vicente human nga gideklara kini nga patay sa miresponde nga medic team sa Central 911.

Padayon pang gisayod sa kapulisan ang pinaka ugat nga rason sa pagpakamatay sa biktima samtang dili pa sab matino kung aduna ba’y foul play sa kamatayon sa maong ulitawo.

Gidala na sa punerarya ang patay’ng lawas niini alang sa pagbangutan og pila ka adlaw sa pamilya ayha hingpit dad-on sa katapusan nga kapahulayan.



Kasamang Joel Viray

Facebook Comments