Ulitawo nga napildi sa On line Sabong, naghikog

17

Dumalinao, Zamboanga del Sur – Patay ang usa ka 22-anyos nga ulitawo dihang niunay pakutlo sa iyang kaugalingon nga kinabuhi Purok Gemelina, Brgy. Baga, Dumalinao, Zamboanga del Sur alas 8:30 sa niaging gabii.
Naila ang biktima nga si Louegi Apan Alaba, residente sa nasangpit nga lugar.
Dihang nadawat ang taho largong niresponde ang tropa sa kapulisan, sumala sa amahan sa biktima nga si Ernie Subisa Alaba, samtang nipahulay na sila sa ilang kwarto nakurat sila sa duha ka buto sa armas sa gawas nga bahin sa ilang pinuy-anan.
Ila nang nakita nga nagbuy-od na ang biktima nga si Louegi Apan Alaba ug naligo na sa iyang kaugalingon nga dugo ug dunay caliber .45 pistola sa tapad niini.
Nadala pa sa Jamellarin Hospital ang biktima apan gibalhin sa Aisah Hospital, Pagadian City apan pipila ka oras gideklara sa doctor nga patay na.
Sumala pa naproblema matud pa ang biktima human napildi sa “On line Sabong”.
Narekober sa dapit nahitaboan ang calibre 45 nga pistola nga dunay serial number 445116 nga dunay magazine nga gisukipan sa tulo ka buhing bala.//CTTO – Dumalinao MPS

Facebook Comments